ნუშის რძის სასარგებლო თვისებები

ცხოველური რძისაგან განსხვავებული არომატულობის გარდა, ნუშის რძეს ძალიან ბევრი დადებითი თვისება აქვს, რაც ორგანიზმისათვის სასარგებლო და აუცილებელიც კია. გთავაზობთ რამდენიმე მათგანს.  

წონის კონტროლი

ნუშის ერთი ჭიქა რძე მხოლოდ 60 კილოკალორიას შეიცავს. ის კარგი დანამატია დღის ნებისმიერი რაციონისათვის, თანაც ძალიან ნოყიერია.

გულის ჯანმრთელობა

ნუშის რძე არ შეიცავს ქოლესტერინს, არც დიდი ოდენობით ნატრიუმს. სამაგიეროდ ის ჯანსაღ ცხიმებს შეიცავს, ისეთებს როგორიცაა მაგალითად ომეგა 3. ომეგა 3 ძირითადად თევზში გვხვდება, ეს ვიტამინი არტერიულ წნევას არეგულირებს და ორგანიზმს გულის დაავადებებისაგან იცავს. 

ძლიერი ძვლები

ნუშის რძეს არ აქვს იმდენი კალციუმი, რამდენიც ძროხისას, მაგრამ ის დღიური ნორმის 30% აძლევს ადამიანის ორგანიზმს. ის ასევე შეიცავს ვიტამინი D-ს დღიური ნორმის 25%-ს, ამცირებს ართრიტის რისკს და აუმჯობესებს იმუნურ ფუნქციას. ნუშის რძე საუკეთესო არჩევანია ძლიერი ძვლებისა და კბილებისთვის. 

ბრწყინვალე კანი

ნუშის რძე მდიდარია E ვიტამინით, ის კი დიდი რაოდენობით ანტიოქსიდანტს შეიცავს. ანტიოქსიდანტები მნიშვნელოვანი კომპონენია კანის ჯანმრთელობისათვის. ის სახის კანს მზის ულტრაიისფერი სხივებისაგანაც იცავს. 

არ ზრდის სისხლში შაქრის ზემოქმედებას

ნუშის სუფთა რძე, ყოველგვარი დამატკბობლების და დანამატების გარეშე შეიცავს მცირე ოდენობით ნახშირწყლებს, რაც იმას ნიშნავს, რომ ნუშის რძის მიღება ძალიან უმნიშვნელოდ ზრდის სისხლში შაქრის დონეს. ორგანიზმი ამ ნახშირწყლებს იყენებს, როგორც ენერგიის წყაროს და შაქარი თქვენს ორგანიზმში არ რჩება.  

აძლიერებს კუნთებს

მიუხედავად იმისა, რომ ნუშის რძე მხოლოდ 1 გრამ ცილას შეიცავს, ის სავსეა B ვიტამინებით, რკინით და რიბოფლავინით, რაც კუნთის ზრდისთვის მნიშვნელოვანია. 

ხელს უწყობს მონელებას

ნუშის რძე თითქმის ერთ გრამ უჯრედისს შეიცავს, რაც მნიშვნელოვანია მომნელებელი სისტემისათვის. 

არ შეიცავს ლაქტოზას 

ნუშის რძე არ შეიცავს ლაქტოზას. მათთვის კი, ვისაც ლაქტოზის გადამუშავებაზე პრობლემები აქვს, ნუშის რძე საუკეთესო არჩევანია.

ნუშის რძე უფრო გემრიელია

ნუშის რძეს ძროხის რძისაგან განსხვავებული სახასიათო გემო აქვს, რომელიც ასე შეიძლება აღიწეროს: უფრო მსუბუქი და დახვეწილი. 

მას არ სჭირდება მაცივარში შენახვა

ნუშის რძე მალფუჭებადი პროდუქტია, მაგრამ ძროხის რძისგან განსხვავებით მას არ სჭირდება მაცივარში შენახვა. ეს იმას ნიშნავს, რომ თქვენ ის სამსახურში და სკოლაშიც შეგიძლიათ თან წაიღოთ. 

ამ ყველა სიკეთესთან ერთად ნუშის რძე მარტივი მოსამზადებელია.